Жалолиддин Румий:

“Фақат юракдагина энг баланд самовий юксакликка кўтарилиш мумкин”.

Франклин Жонес:

“Тўғри, Севги олам гардишини айлантирмайди. Севги шу гардиш айланишига маъно бағишлайди”.

Жин Пацл Ричер:

“Севиш доимо қўлидан келадиган аёл ҳеч қачон кексаймайди”.

Жеймс Бальдвин:

“Севгининг боши ва интиҳоси биз ўйлаганчалик эмас. Муҳаббат бу – кураш. Муҳаббат бу – уруш! Севиш бу – улғайиш демакдир”.

Антуан де Сэнт Экзюпери:

“Севги – бу бир-бирига тикилиш эмас, бир-бирининг ички дунёсини ўрганишдир”.

Халил Жуброн:

“Севги фасллар алмашинувига бўйсунмай унувчи ва ғунча тугадиган ягона гулдир”.

Ван Гог:

“Худони англашнинг энг яхши йўли унинг – бандаларини севишдир”.

Франциз де Ла Рочфоколд:

“Йўқлик севгини заифлаштириб, ишонч, садоқат каби ундан-да буюк туйғуларнинг пайдо бўлишига хизмат қилади. Худди қандилни ўчирган шамол гулханни аланга олдиргандек”.

Карен Сунде:

“Севиш – бир зумга бўлса-да жаннатий ҳаловатга эришиш демакдир”.

Антуан де Сэнт Экзюпери:

“Ҳақиқий севги беминнат қайғуриш бошланган дақиқадан туғилади”.

Франциз де Ла Рочфоколд:

“Чин муҳаббат ғийбатга ўхшайди: у тўғрида ҳамма гапиради, аммо камдан-кам киши унинг гувоҳи бўлган”.

Франк Тиббетс:

“Севги кўп нарсани ваъда қилмаса ҳам, севиб қолган ошиқ кўп нарсага қодир бўлиб қолади”.

Леонардо да Винчи:

“Севги ҳеч қачон кексаймайди. Эҳтимол киприк тўкилиб соч оқарар, балки ёноқлардан нур кетиб, ажин тушар, лекин севган юрак ҳеч қачон  кишининг қаҳратон совуғини ҳис қилмайди.”

Роберт Инжерсол:

“Муҳаббат йўқ жойда мангу яшагандан кўра, ўлим ҳукмрон ерда яшаб, севишни афзал биламан”.

Баронез Оркзи:

“Севги ёнимиздаги аёлнинг биз каби яшаётгани ва нафас олаётганини, биз каби ўйлаб, қувонч-дардимизга шерик бўлаётганини ҳис қилишдир”.

Япон халқ мақоли:

“Севги қалбга ин қурса, ошиққа маҳбубасининг ҳуснбузари ҳам кулгич бўлиб кўринади”.

Жосиа Ҳолланд:

“Бу дунёда эркак киши эгалик қила оладиган энг қимматли нарса – аёл қалбидир”.

Инглиз тилидан Шуҳрат Сатторов таржимаси.